მეცხრე დღე
მიმაჩნია, რომ თრენინგი იყო მეტად საინტერესო, სასარგებლო და ინფორმაციული.
პროექტით სწავლება მეტად ეფექტურია სკოლაში და ამ თრენინგზე ვისწავლე დაწვრილებით თუ როგორ ვიხელმძღვანელო პროექტების შექმნით ჩემს სასწავლო პროცესში მოსწავლეებთან.
სასწავლო პროექტი დამეხმარება მოსწავლეთა უნარების განვითარების საქმეში. მისი გამოყენება უფრო საინტერესოს გახდის მასალას, რომელსაც მოსწავლეები გადიან.
საინტერესო იყო "ვირტუალური ღრუბლები"რომელშიც ჩვენი ინფორმაციის შენახვა შეგვიძლია. ამას აქტიურად გამოვიყენებ ასევე ტესტების, სხვადასხვა აქტივობების, სურათების შესანახად.
ასევე საინტერესო იყო შეფასების სტრატეგიები. შეფასების რუბრიკა, რომელსაც გამოვიყენებ მოსწავლეთა მიერ მომზადებული პროექტების შეფასებისას.
ვფიქრობ შევძლებ გამოვიყენო სლაიდები პროექტზე მუშაობისას, რადგანაც ვისწავლეთ ერთი სლაიდიდან მეორეზე გადასვლა,შემდეგზე და ასე შემდეგ.
 ასევე შემეძლება დიაგრამის გამოყენებაც კვლევის წარმოებისას.
მთელი პროექტის მსვლელობა დაწვრილებით განვიხილეთ და გავწერეთ-ეს რასაკვირველია დამეხმარება ჩემს კლასებში პროექტზე მუშაობის დროს.
ყოველი დღე უაღრესად საინტერესო იყო. თრენერი ქალბატონი ხათუნა ციხელაშვილი მაღალი პროფესიონალიზმით გამოირჩევა, რომელიც მაქსიმალურად ცდილობს თრენინგის თვითეულ მსმენელთან მივიდეს, დეტალურად აუხსნას, თუ რამე გაუგებარია. დიდი ენთუზიაზმითა სიყვარულით ეკიდება დაკისრებულ მოვალეობას და მთელი მონდომებით გადასცემს მსმენელს თავის ცოდნას, გამოცდილებას.
   
     დიდი მადლობა ხათუნა ციხელაშვილს ყველაფერ ამისათვის

მერვე დღე

მერვე დღე:

  გავიმეორეთ წინა დღის მასალა

   პროექტის გეგმის შაბლონში შევავსეთ პროექტის მოკლე შინაარსი და გავწერეთ პროექტის მსვლელობა.

მეშვიდე დღე

ნიმუშებად განვიხილეთ ტრენერის მოსწავლის სავარაუდო ნაშრომი power point-ში. გავაკეთეთ ჩვენი მოსწავლის სავარაუდო ნაშრომი, რომელიც მოვათავსეთ ღრუბლებში. ვისაუბრეთ საავტორო უფლებებზე და დიფერენცირებულ სწავლებაზე. მივიღეთ საშინაო დავალება.
      მადლობთ.

მეექვსე დღე

   გავიხსენეთ წინა დღე. ვისაუბრეთ შეფასების ფორმებზე.
ვისწავლეთ როგორ მოვიძიოთ სხვადასხვა შეფასების ფორმები სახელმძღვანელოში.
ტრენერმა გამოგვიგზავნა რამოდენიმე ფორმა მეილზე, ავირჩიეთ ორი სხვადასხვა ფორმა, გადავიტანეთ დრაივში და მოვახდინეთ ადაპტირება..
ვისაუბრეთ მოსწავლეთა სავარაუდო ნაშრომზე.გავიხსენეთ Power point.
მივიღეთ ორი დავალება: უნდა მოვძებნთ პრეზენტაციის შეფასების რუბრიკა და მოვახდინოთ ადაპტირება.ფურცელზე მოვამზადოთ მოსწავლის სავარაუდო ნაშრომი.

მეხუთე დღე

   განვიხილეთ წინა თრენინგებზე განხილული მასალა. ვისწავლეთ გოგლფორმებში მუშაობა. პროექტის თემატიკიდან გამომდინარე შევადგინეთ ონლაინ ტესტი. შევავსეთ შეფასების დროის ჩარჩო.  ელეკტრული ტესტები ძალიან სასარგებლო იყო და მათი გამოყენება ძალიან მომხიბვლელად მეჩვენება. დღე ძალიან დატვირთული იყო. დიდი მადლობა ჩვენს თრენერს.

მეოთხე დღე
დღე დავიწყეთ წინა მასალის გამეორებით. ჩამოვაყალიბეთ მიმართულების მიმცემი კითხვები: ერთი ზოგადი კითხვა, ორი თემატური და სამი შინაარსობრივი. ეს კითხვები გავუზიარე თრენერს. შემდეგ განვიხილეთ შეფასების მეთოდები, შეფასების ხუთი სტრატეგია. შეფასების მეთოდებთან ერთად განვიხილეთ მიზანი, როდის გამოიყენება და შეფასების საშუალების ინსტრუმენტი. დავალებად მივიღეთ ათ კითხვიანი ტესტის შედგენა ჩვენს პროექტთან დაკავშირებით მოსწავლეთა წინარე ცოდნის შესამოწმებლათ. გარდა ამისა მიზნიდან გამომდინარე  აქტივობები უნდა მოვიფიქროთ.
 მიმაჩნია რომ დღევანდელი დღე ძალიან ნაყოფიერი იყო და ეს მასალა გამომადგება ჩემს პროექტზე მუშაობისას.

მესამე დღე ძალიან დატვირთული იყო და ძალიან მნიშვნელოვანი მასალა განვიხილეთ.განვიხილეთ კითხვის სახეები: ზოგადი კითხვები, თემატური და შინაარსობრივი კითხვები. შევიტანეთ სტანდარტები, მიზნები, ინდიკატორები. ვივარჯიშეთ კითხვების მოფიქრებაზე. ავტვირთეთ ჩვენი საქაღალდე დრაივში. ჩვენი ბლოგის მისამართი გავუგზავნეთ თრენერს.

II დღე
   გავიმეორეთ წინა დღის მასალა.
ვისწავლეთ საკუთარი პორტფელიოს შექმნა. განვიხილეთ პროექტის მონახაზი. მოვისმინეთ ყველას პროექტის მონახაზი. ყველამ გამოთქვა საკუთარი აზრი.დოკუმენტები შევინახეთ ჩვენს საქაღალდეში. ასევე საინტერესო იყო კონკრეტული, ბუნდოვანი და სპეციფიკური მიზნების განხილვა.
  ძალიან საინტერესო დღე იყო.

რეფლექსია

დღევანდელი დღე იყო ძალიან სასარგებლო, ბევრის მომცემი, ცოტა დამღლელი.
ძალიან მომეწონა თრენერის მიერ მოცემული მასალა და გადმოცემის უნარი. იმედი მაქვს ეს ყველაფერი დამეხმარება მომავალ საქმიანობაში.